నీటి సంరక్షణే లక్ష్యంగా ‘హిమజల్’ మూడు నూతన ఉత్పత్తులు

• నీటి వృథా, హార్డ్ వాటర్ సమస్యలకు అధునాతన సాంకేతిక పరిష్కారాలు

• ఆవిష్కరించిన “వాటర్ డాక్టర్” డా. ఆనంద్ కుమార్ జైన్
  

హైదరాబాద్ – (డిజిటల్ డెస్క్): పెరుగుతున్న నీటి అవసరాలు, భూగర్భ జలాల క్షీణత, కఠిన జలాల (హార్డ్ వాటర్) సమస్యలతో పాటు శుద్ధి ప్రక్రియలో జరిగే నీటి వృథాను అరికట్టడమే లక్ష్యంగా ప్రముఖ ‘హిమజల్ వాటర్ సొల్యూషన్స్’ మార్కెట్‌లోకి మూడు నూతన ఉత్పత్తులను తీసుకువచ్చింది. డివ్యాంక్ ఇండస్ట్రీస్ ప్రైవేట్ లిమిటెడ్‌కు చెందిన ఈ సంస్థ, పూర్తి స్వదేశీ పరిజ్ఞానం, ఆధునిక సాంకేతికతతో రూపొందించిన ఉత్పత్తులను హైదరాబాద్‌లో బుధవారం ఆవిష్కరించింది. “వాటర్ డాక్టర్”గా పేరుగాంచిన డివ్యాంక్ ఇండస్ట్రీస్ వ్యవస్థాపకులు, చైర్మన్ డా. ఆనంద్ కుమార్ జైన్ ఈ ఉత్పత్తులను పరిచయం చేశారు.

ఈ సందర్భంగా డా. ఆనంద్ కుమార్ జైన్ మాట్లాడుతూ.. నీటిని కేవలం శుద్ధి చేయడమే కాకుండా, అందుబాటులో ఉన్న నీటి వినియోగ సామర్థ్యాన్ని పెంచడం, నిర్వహణ ఖర్చులను తగ్గించడం, జల వనరులను బాధ్యతాయుతంగా కాపాడుకోవడం ప్రస్తుత కాలంలో అత్యంత ఆవశ్యకమని స్పష్టం చేశారు.

ఆవిష్కరించిన నూతన పరికరాలు – ప్రత్యేకతలు:
హిమజల్ డెల్టా (ద్వంద్వ నీటి పునరుద్ధరణ క్షార జల శుద్ధి యంత్రం):

సాధారణ రివర్స్ ఆస్మోసిస్ (RO) ప్యూరిఫైయర్లలో అత్యధికంగా వెలువడే వ్యర్థ జలాల పరిమాణాన్ని తగ్గించేందుకు దీనిని ప్రత్యేకంగా రూపొందించారు. ఇందులో SRWR™ (స్మార్ట్ రిజెక్ట్ వాటర్ రికవరీ) అను పేటెంట్ సాంకేతికతను ఉపయోగించారు. ఇది నీటి నాణ్యతను బట్టి ఏకంగా 60 శాతం వరకు వృథా నీటిని పునరుద్ధరించి తిరిగి వినియోగంలోకి తెస్తుంది. దీని ద్వారా ప్రతి ఇంటా తాగునీటి శుద్ధితో పాటు నీటి వృథా భారీగా తగ్గుతుంది.

హిమజల్ స్కేల్‌అవుట్ (జల స్థితి నియంత్రణ పరిష్కారం):

కఠిన జలాల (హార్డ్ వాటర్) వల్ల పైపులు, గీజర్లు, గృహోపకరణాలలో సున్నం మరియు ఖనిజ పొరలు (Scale) పేరుకుపోవడం ప్రధాన సమస్య. ఈ సమస్య నివారణకు సంప్రదాయ ఉప్పు ఆధారిత (Salt-based regeneration) ప్రక్రియ అవసరం లేకుండానే పనిచేసేలా ‘స్కేల్‌అవుట్’ను డిజైన్ చేశారు. దీనివల్ల ఉప్పు వాడకం, సంబంధిత నిర్వహణ శ్రమ మరియు రీజనరేషన్ సమయంలో జరిగే నీటి వృథా తప్పుతాయి.

హిమజల్ స్మార్ట్ సాఫ్టెనర్ (ఆధునిక జల మృదీకరణ వ్యవస్థ):

నీటి మృదీకరణ (Water Softening) యంత్రాల నిర్వహణను డిజిటల్ పద్ధతిలో సులభతరం చేసేందుకు దీనిని పరిచయం చేశారు. ఆయా మోడళ్లను బట్టి సిస్టమ్ పర్యవేక్షణ, ఆటోమేటిక్ రిజనరేషన్ షెడ్యూలింగ్, ఉప్పు నిల్వలు తగ్గగానే రియల్-టైమ్ అలెర్ట్స్, సిస్టమ్ స్టేటస్ నోటిఫికేషన్లు వంటి స్మార్ట్ ఫీచర్లు ఇందులో అందుబాటులో ఉంటాయి.

అన్ని నీటి సమస్యలకు ఒకే చోట పరిష్కారం
డా. ఆనంద్ కుమార్ జైన్ మరింత వివరిస్తూ— “ప్రతి ప్రాంతంలోనూ నీటి నాణ్యత, అందులోని ఖనిజాల మోతాదు వేర్వేరుగా ఉంటాయి. అందువల్ల నీటిని ముందుగా పరీక్షించి, దానికి తగిన సాంకేతికతను ఎంచుకోవడం ఎంతో ముఖ్యం. వినియోగదారులకు ఆచరణాత్మక నీటి పరిష్కారాలను అందిస్తూ, నీటి వృథాను కనిష్ఠ స్థాయికి తీసుకురావడమే మా ముఖ్య ఉద్దేశం” అని తెలిపారు.

“అన్ని నీటి సమస్యలకు ఒకే చోట సమగ్ర పరిష్కారం” అనే నినాదంతో హిమజల్ సంస్థ గృహాలు, అపార్ట్‌మెంట్లు, వాణిజ్య సముదాయాలు మరియు పారిశ్రామిక రంగానికి అవసరమైన ఆల్కలైన్ వాటర్ ప్యూరిఫైయర్లు, వాటర్ కండిషనర్లు, సాఫ్టెనర్లను అందుబాటులోకి తెచ్చినట్లు ఆయన వెల్లడించారు.